#52DA Irudienea 2017

ABENDUAK 6: IRUDIENEAN BADA ZER IKUSI!

K2_ArPMCETE_Abendua+0100RAbePMCET_0C2

11:00 – 11:45  Jose Antonio Sistiagaren film laburrak

Irudienea bere bi film laburrekin estreinatuko dugu, fotogramak margotuz sortutakoak biak

Impresiones en la alta atmósfera (1988-1989). 7 minutuko iraupena du eta 10.000 fotogramak osatzen dute film laburra.

Paisaje Inquietante-Nocturno (1990-1991). 35mm eta 14 minutu iraupena duen lana. Teknika ezberdin batekin landua. Iada hilik den bere ladun, Mendibururi dedikatua. Honako lan honek “eguna” irudikatzen du. Bada beste labur bat “ En un jardin imaginado” deituriko, honen beste aurpegia izango litzatekeena, azken honek “gaua” irudikatzen du.

 

12:00 – 13:00  Aterabideak

Film laburra. 29´  Zuzendaritza: SARE-Gernika Lumo, Josu Goikoetxea

“Aterabidetik”. Gehikuntzen ikus-entzunezko proiektu korala. Sarea film laburra egina. 25 gernikar baino gehiagoren artean sortua. Gernikako eta Gernikarren dispertsioaren erradiografia irudi eta soinuetan islatua.

 

13:00 – 14:30  Estitxu 

Film laburra, dokumentala. 60´ Zuzendaritza: Franck Dolosor

Kantua, irria eta Euskal Herria izan ziren Estitxu abeslari aintzindariaren ardatz nagusiak. Kitarra beti eskuetan zuela, Estibaliz Robles Aranguiz (1944 Beskoitze/ 1993 Bilbo), Euskal Herriak eman duen kantari hoberenetakoak arrakasta itzela lortu zuen Euskadi, Venezuela, Mexiko edota Parisen. Frankismoaren zentsura pairatu zuen urteetan, Estitxu gogo handiz gonbidatzen zuten Frantzia eta Hego Ameriketako telebistetan.

 

14:30-15:30  Ezberdintasunean hezi

5 film labur. Bizipoz elkartea eta BBK fundazioa elkarlanean

 

15:30 – 17:15  Zipi eta Zape

Gabonak iritsi dira eta Zipik eta Zapek bihurrikeria handi bat egin dute. Oraingoan, gainera, oporrik gabe utzi dituzte euren gurasoek eta haiek kontrolpean izan nahian beraiekin itsas bidaia aspergarri batera eraman dituzte. Beren gozamenerako, ordea, helmuga, urruneko irla bat da.

 

17:15 – 17:30  Areka

Film labur, animazioa , 6’35” Zuzendaritza: Atxur Animazio Taldea

Euxebiri aita hil zioten gerran. Gaztaroan frankismoaren errepresioa jasan zuen, eta gaur arte, diktadura aspaldi amaitua egonagatik ere, ez du bere aitaren oroimena berreskuratzeko aukerarik izan. Urteak haren bila eman eta gero, azkenik hobia ireki dutenean, Euxebik argazki bat utzi du bere aitaren hezurren ondoan.

Hogei euskal artista gazteren sortze-lan kolektiboaren emaitza da Areka.

 

17:30 – 18:00  Euritan

Film laburra, dokumentala, 20’35”  Zuzendaritza: Irati Gorostidi eta Arantza Santesteban

1985ean Itxaro Bordak idatzitako Klara eta biok narrazioa berrikustea proposatzen du Euritan filmak. Egilea bere iraganeko hitzen aurrean jarriz, bertan azaleratzen duen euskal nortasuna­rekiko harreman periferikoaren begirada eguneratzen da.

 

18:00 – 18:30  Euspot

Euspot film laburren lehiaketako lan irabazleen aurkezpena.”Lortu beharra dago aberats egiten gaituen aniztasunetik berdintasunera iristea, ulertzea gizartea pertsona ugarik osatzen dutela. Helburua da pertsona guztien parte-hartzea aukera berdintasunean ematea”.

 

18:30 – 20:00 Kaxa Hutsak. Euskal exiliatuen esperientziak

Web-dok. Multimedia /  Zuzendaritza: Josu Trueba, Iker Oiz, Garikoitz Garaialde ( Bostok Photo)

Kaxa Hutsak -Euskal Errefuxiatuen Esperientzia Ezagutu eta Kontatzeko Ikus Entzunezko Proiektu Dokumentala, 2012an martxan jarri zen ideia baten garatze eta gauzatzeko asmoen egikaritze bat da. Erbestera errefuxiatu joan diren pertsonen esperientziak bildu, ezagutu eta ezagutzera ematen dugu lan honekin.

 

Gehiago jakiteko egin klik.

 

PLG_CONTENT_ITPSOCIALBUTTONS_SUBMITPLG_CONTENT_ITPSOCIALBUTTONS_SUBMITPLG_CONTENT_ITPSOCIALBUTTONS_SUBMITPLG_CONTENT_ITPSOCIALBUTTONS_SUBMIT

Disko eta liburuez gain, Durangoko Azoka bestelako kultur sorkuntzen plaza ere bada. Euskarazko ikus-entzunezko lanek, adibidez, euren lekua ere izaten dute azokan, Irudienea gunearen bidez (Zugaza zinemetan).

Urtero legez, Irudieneako arduradunak jo eta su ari dira lanean aurtengo egitaraua prestatzen: laburmetraiak, solasaldiak, lehiaketak... Azken urteetan ez bezala, aurten Kameratoia lehiaketa ez da Irudienean antolatuko, Lekeitioko Zine Bileran izango da, urrian.

Baina Kameratoia izan ez arren, Irudienea ekimen eta nobedade interesgarriz josita etorriko da aurten ere. Berrikuntza nagusietako bat aurten lehendabizikoz antolatuko den "RALLY TOPA Euskal Herriko laburmetrai rallyen rallya" izango da.

Labur esateko, “RALLY TOPA” Euskal Herriko laburmetrai eta rallyetako irabazleen artean hoberena aukeratzeko lehiaketa izango da. Ugariak dira azken urteetan Euskal Herrian antolatu izan diren rally eta lehiaketak, denbora tarte labur batean, gai edo objektu bat erabiliz, film labur bat sortzea helburu duten rallyak.

Aurten Durangon onenen artean onena aukeratu nahi dugu. Beraz, lehiaketa hauetako batean finalista izan baldin bazara, hitz egin zure taldekoekin, prestatu zuen lanak, urriaren 4tik aurrera lehiaketa berri honetan parte hartzeko izen ematea zabalduko dugu eta.

PLG_CONTENT_ITPSOCIALBUTTONS_SUBMITPLG_CONTENT_ITPSOCIALBUTTONS_SUBMITPLG_CONTENT_ITPSOCIALBUTTONS_SUBMITPLG_CONTENT_ITPSOCIALBUTTONS_SUBMIT